兩年幾前，辭咗份正職，妄想靠短炒股票，自給自足。
點知，股票太悶，轉玩刺激嘅牛熊證，結果蝕到我怕。
人到中年，冇工作、冇男朋友、樓都冇層。
蝕錢，快過賺錢N倍。
徬徨到極，剛巧有朋友 liked 龔成老師嘅facebook page.
我以前都間中有睇佢d posts, 就膽粗粗pm佢請教。
佢好詳盡咁分析咗我嘅情況，指出我理財態度嘅問題，並提出改善方法。
之後，我就開始追睇佢嘅文章、細讀佢寫嘅每一本書、睇佢嘅短片。
最後，仲上埋佢嘅股票班。
但時間同自己，永遠係最大嘅敵人。
時間一久，就唔記得自己之前衰乜，重複犯錯。
2017年嘅我:
‧40歲
‧早前玩牛熊證蝕左
‧收入$40000
‧有$31萬現金，$375萬股票
重點目標：
‧想擁有自己的物業
‧穩健投資
‧如何有效理財
上個月，我再次被劏咗隻熊，蝕咗幾萬蚊。
仲買咗隻炒股6055, 投資額...... 蝕咗過半。
而家蝕剩130萬。
最近見到龔成老師用我的處境，錄咗個video.
睇完，我就諗：
係時候，重新檢視自己嘅投資態度、選股原則、理財方式。
仲要虛心求教，學習別人的成功理財經驗，避免重蹈覆轍。
呢個blog, 成立目的,就係：
1. 推動自己, 努力學習
2. 提醒自己先了解, 後投資
大家有興趣可以睇吓:
1. 理財個案—40歲教師置業夢
2. 讀者問答：40歲置業未算遲
